會長回應近日各界對加印花稅邏輯的謬誤

會長回應近日各界對加印花稅邏輯的謬誤

1：貨的質量問題

 

係人都知香港上市監管比起美國而言係更嚴，咁公司嘅質量理應唔會太差，咁點解成交又比香港多咁多？

 

而內地上市又係嚴到飛起，可能比起香港仲嚴，咁點解成交又比香港多咁多？

 

所以，到底所謂嘅「質量」，係指乜嘢？其實只是偷換邏輯，貨嘅質量並非核心，而係整個市場嘅定位，百貨應百客，Hermes可以做得起，Uniqlo 都可以，到底香港係想做咩定位？炒家？長線投資？定係模棱兩可？

 

2：加印花税唔影響成交？

 

呢個邏輯更加係天才！

 

如果係咁，點解要減免ETF嘅印花税？點解減完ETF印花税之後，ETF成交持續上升？

 

3. 成交額的核心邏輯是什麼？

 

有買賣才有成交，成交額是透過買賣才能累積，健康市場上應具備及包容不同類型投資者，長線投資者，短線炒賣者，都應有其活動空間，各取所需。短線的去了哪裡？

 

香港證券及期貨專業總會
會長
陳志華
2023年8月3日

 

關連文章

請還證券業一前途

 

 

2023-08-03  明報  證券及期貨專業總會陳志華：加股票印花稅累成交 本港應思考市場定位  （相片）